FDR Visayas Grand Prix mosikad karon sa Hoopsdome

CEBU, Philippines - Mga banggiitang riders ang mag-abot didto sa Hoopsdome sa Lapu-Lapu City alang sa pagsikad sa FDR Visayas Grand Prix.

Mangulo sa mga elite riders nga molumba mao ang garbo sa Sugbo nga si Simon Spencer Solon nga naglaraw mosakmit sa expert division title batok sa mga beterano sama nila ni Mark Capoy, Keken Cabahug, Louie Vega  ug  Lyndon Requilme.

Mga kategoriya nga tigian naglakip sa expert, intermediate, novice underbone, automatic 130, beginners, underbone ug a/t superstock 115. Anaa usab ang ladies Honda Beat ug underbone superstack. Angay sab atngan ang Honda, Suzuki ug Yamaha Club race.

Ang maong event libre sa publiko, apan ang mga organizers mihangyo nga  dili magpaduol sa race tracks aron paglikay sa disgrasya. (BANAT NEWS)