4 minasaker sa Pasig
MANILA, Philippines - Apat katao ang pinasok sa loob ng isang compound saka pinagbabaril hanggang sa mapatay ng anim na hindi pa nakikilalang mga suspek sa Pasig City, kahapon ng hapon.
Kinilala ang mga biktima na sina Rex Sta Ana, ang live-in partner nitong si Estrella Montefalcon, at ang dalawa pang lalaki na sina Jeffrey Cartas, at Rene Balaquiao, pawang naninirahan sa Bedana Compound, Brgy. San Nicolas, Pasig City.
Nabatid na ang pagmasaker sa apat ay naganap dakong ala-1:45 ng hapon sa loob ng compound ng mga biktima.
Ayon sa report, nagpapahangin sa labas ng compound ang mag-live in nang dumating ang mga suspek at walang sabi-sabing pagbabarilin ang mga ito.
Nasa loob naman ng bahay si Cartas at Balaquiao na tinamaan din ng bala sa iba’t ibang bahagi ng kanilang katawan.
Naisugod pa sa pagamutan ang mga biktima ng kanilang mga nagmalasa- kit na kapit-bahay pero nalagutan din ng hininga.
Sinasabing ang mag-live ay sumuko na sa ‘‘Oplan Tokhang’’ ng pulisya kamakailan.
Nagsasagawa pa ng masusing imbestigasyon ang mga tauhan ng Pasig police upang mabatid ang motibo ng krimen at matukoy ang mga tumakas na salarin.
- Latest
