Pagdason

DISYEMBRE 11, 2016": Ikatulong Domingo sa Adbiyento

Mga Pagbasa: Is. 35;1-6,10/Sal. 146/San. 5;7-10/Mt. 11;2-11

Kini ang gipaabot ni Juan Magbubunyag sa dihang iyang gipadala ang iyang mga sinugo ngadto kang Jesus samtang anaa siya sulod sa bilanggoan. Ang pangutana: "Ikaw ba ang Mesiyas?" Imbis tubagon kini ginamit ang direktang pagsanong ang tubag gigaray diha sa paghulagway sa kahimtang ug sa mga mahitabo pinaagi sa tabang sa usa  ka mesiyas. Niabot na ang Messianic Reign pinaagi sa mga buhat sa milagro ug sa mga pagtulon-an nga nakapunting sa gingharian sa Dios. Ning nagsingabot nga pasko sa pagkatawo sa Ginoo ang mensahe mao nga unta ang atong kinabuhi modason sa atong gisibya nga kita mga Kristiyanos. Kay ang Christmas adlaw man sa Ginoo ug kay adlaw man niya ang pinakanindot nga gasa nga atong madalit mao man ang atong kaugalingon nga gibag-o ug gihinloan diha sa grasya.