Alas kuwatro sa kaadlawon

Nahimong daw gigil-asan ko sa akong pagkatulog 2:30a.m. pa lang ug di nako kabalik sa pagkatulog. Mao nga way laing nahimo gawas sa paghikyad sa mga libro pamasin nga duawon sa duka ning mata kong masupilon. Akong gibasa ang libro nga sinuwat ni Gabrielle Amorth ang kanhi chief exorcist sa Vatican kang kansang ulohan: "We are Judged by God's Love!" natandog kaayo ko sa maong ulohan kay unsaon man tuod paghukom sa Dios ginamit ang gugma niya alang natong mga makasasala. Ninaog ko nihigop og kape. Giihap ang mga sakyanan nga nangagi dayon balik sa taas aron maligo ug mag-ilis. Tingali ang maong kahilom pahinumdom tingali kini sa panahon sa pag-ampo bisan pa man nahimong masukihon ang hunahuna. Hinuon ang pag-ampo dili sa tanang higayon consolation tingali dunay mga pag-ampo nga desolation.