Sa katapusang yugto sa The Rite

Napildi gyud tawon si Rosaria ug namatay kini butang nga gikaguol pag-ayo ni Lucas (Anthony Hopkins) na-depressed ang maong pari ug tuod man kuno siya nasudlan. Sa dihang giadto siya nilang Michael Kovak (donoghue) nakita nila nga ang mga krus gipangtuwad ug nahimong daw sama sa horror ang scenario niini. Depresyon tungod sa kapakyasan maoy nagsilbing opening sa negatibong espiritu nga mohari sa kinabuhi sa maong pari. Apan sa ngadto-ngadto naluwas ra siya pinaagi sa panabang ni Kovak nga kaniya nag-ampo. Ang kinabuhi daw sama sa eksorsismo. Papahawaon ang bisan unsang dautan (imaginary man o aktwal) gikan sa atong hunahuna ug kasingkasing. Kini tungod kay ang sistema sa power differential maoy hinungdan kun nganong dunay mga demonyo. Ning paagiha atong pagasabton ang maong diabolical activities ingon nga manifestation sa diabolic nga sistema nga bunga sa diabolic nga hunahuna nga nigambalay niini. Consistency diha sa paghimo og mga tukmang lakang maoy kinahanglanon ug dili ang paghunahuna nga ang matag kapakyasan pagaisipon nga silot o tunglo. Kun kini maoy naa sa imong hunahuna nan, usa ikaw ka superstitious nga tawo. Maingon nga ang kalampusan ang pagaisipon nga panalangin hinunoa tawgon kini nga responsibilidad. Tungod kay kini imong hinagoan ug ikaduha imong katungdanan nga imong panalipdan ug palipangon ang bisan unsa nga imong nasugdan. Ug kun dili man gani mosalir ang imong paningkamot pagaisipa lang nga ang kinabuhi usa ka dakong sugal. Mahimong karon ikaw gibwenas o dili ba kaha gidemalas.