Ang gipaabot nga bunga

Padayong gihuho ko ang nahabiling sensilyo sa kolekta nga hinalad aron sa mga utang ibayad. Uban ang pagpangagho ako nakaingon nga lisud gyud ang kinabuhi labina nga diha sa kakuwangan ug kakabos ikaw mamahimong malumsan... Apan bisan pa niini mas maayo nga ikaw modamgo nga luyo sa kalisdanan nga naagian padayon kang mobugtaw sa imong umaabot nga kaugmaon kun ugaling duna man. Ug bisan pa man nahimong huwaw ang tanan alang kanimo anaa gihapon ang bunga sa paglaum kun bisbisan mo lang sa paningkamot ug pagtuo nga imong makab-ot ang imong mga damgo kuyog sa mga tawo nga nakasabot nimo ug buot mosabot nimo.... Creativity mao na lang ang isilsil mo sa alimpatakan aron ikaw mobarog ug makasukol sa tiaw ning kalibutan... Pagbuot man kini sa Dios o bunga sa tawhanong kadanghag apan kinahanglan kang molihok ug di mahimong magsalig lamang sa pan nga mahulog gikan sa kahitas-an..