Ang buhaton aron malipayon (1)

Wala'y tawo nga dili gusto og kalipay, apan sagad dili paigo ang kalipay nga natagamtaman. Matud pa sa mga eksperto niini, ang 50% sa kalipay anaa madeterminar sa atong pagkatawo o kaliwat nga kinaiya.

Unya ang lain nga 50%, anaa sab kini sa ato nga pagkontrol sa atong kaugalingon kun buot kita makontento sa kalipay. Bisan pa kita magul-anon sa kinabuhi,  makahimo gihapon nga buhaton ang mas makalipay kanato. Sama sa mga mosunod, nga sagad mao'y gihimo sa mga tawo'ng malipayon.

*Maghimo'g daghang higala —Sayon ra ni himuon, magbuhat lang og aktibidad sa pag-ugmad og kalihokan sa pakighigala, diha sa katilingban o sa isigkatawo. Kay momugna ni'g maayong bunga nga makalipay, basta iseguro lang nga magmatinud-anon sa pakigsuod sa mahimong mga higala.

* Aktibo sa pagpasalamat  — Matud sa mga pagtuon, ang panagtiayon molig-on, pinaagi sa kanunay pagpadayag nga mapasalamaton diha sa pagsinabtanay. Nga niini mabatyagan ang makalipay nga dili matukib.

* Dasiga nga buhaton ang mga tumong mo's kinabuhi — Ang tumong o mga pangandoy mo, nga dili buhaton maisip ra nga kutob sa damggo. Unya magkat-on nga malipay sa unsa may anaa kanato, nga padayon buhaton kutob sa masarangan, nga makahimo pa kita nga may kusog sa paningkamot. Mas tinguhaon gyud nga mabinantayon nga maseguro nga ikaw magmalipayon. Wala'y kaluya nga mabatyagan ang kakapoy, nga kanunay  nakiglambigit sa matinud-anong nga pakighigala. Kalipay kining molipang sa atong pagkatawo.

Ayaw ikomparar ang kaugalingon mo sa uban kay madismaya ka lang. Maoy komparaha ang imong kaugalingon, kun unsa ka niadto sa pagkakaron, aron malipay kang magsud-ong sa imong mga kaugmaran ning kinabuhia.