Pagsaulog
Gidapit ko og usa ka birthday party sa batan-ong dalaga nga nagsaulog sa iyang adlaw nga natawhan. Solid kaayo ang iyang pagpangandam kuyog sa iyang kaigsuonan, kahigalaan ug kaparyentihan. Didto si Fr. Renante Rabanes, usa ka pari nga mahiligon kaayo sa mountain climbing ug uban pang paugnat sa kusog. Nakaadto na siya sa Mt. Pulag ug uban pang mga bukid nga habog. Kaanindot sa iyang kasinatian. Kini ang naghatag kaniya og lingaw ingon man iyang gihimong kawsa ang pagpahibawo ug pagpakaylap sa kabililhon sa ecology. Matud pa niya angay kining saulogon uban ang dakong gugma ug pasalamat sa kamaayo nga Diosnon sama sa usa ka birthday diin gipanag-ambitan ang kaayo ug panalangin nga iya sa Dios sa matag higayon nga madugangan ang atong panuigon.
- Latest