Ok

Kapoy kaayo daghan og sulti kay daghang sulti daghang sayop. Sama sa wali nga di maayong patas-on pa kun wa na kinahanglana pinaagi sa way hinungdang pakatawa aron padugang sa pusta. Ingon ana usab ang paggamit sa pulong ingon nga timaan sa atong gihunahuna. Diha sa kahilom mahimong igambalay nato ang mga kutay sa pulong nga mahimong atong ipadayag sa paagi nga limbation ug puno sa buwak buwak sa pag-ulo ulo ug pala-pala. Apan diha sa kinabuhi, kinahanglan ang precision ug direktang pag-utingkay sa mga misteryo ug problema sa kinabuhi. Mahimong makigkukabildo kita aron pagpawala sa kalaay ug kamingaw mao  nga hisgutan nato usahay ang mga gaan nga hilisgutan uban na ang pagpakatawa kuyog na usab ang pagbiay-biay sa pamasin nga matabonan ang kaugalingong sipyat ug kakulangan. Usa nako ka higala ni-text nako og taas ug ako siyang gitubag: “    OK”   dili tungod kay nahimo kong manhid sa panginahanglan nga siya paminawon apan sayud ko nga bisan unsaon pa nimo og pasabot lisud kaayo ang pagtuhop sa imong mensahe kun hunahuna ug pagbati sa tawo sirado. Paabuton ko kanus-a siya mamahimong abli aron sa ingon dunay leveling off kun ugaling magkakita pa kami.