#Balik Alindog Program

Hugyaw nga Domingo mga SweetKaButanding! Oh! Well, usa na pud ka Domingo ang atong saw-an para lang gyud kaninyo. Sa dunay mga palalabs diha murag hugyaw ang inyong umaabot nga Valentines Day...hmmm... Maayo pa mo, ang inyong Yur’s truly nangita pa og ka Valentino. Pero sayod ba mo nga tungod aning “pagpangita“ ( ibutang ta lang), gihimo kini nako og inspirasyon para sa pag-reduce sa akong timbang? Walk like a Butanding ug Belly dancing akong tirada... Hahahaha! Sa pagkakarun 314 pounds! Nagpalit gyud ko og timbangan, kalooy sa timbangan, hugyaw di ba? Pero sige lang hinay-hinay lang usa ko sa kaon ug kon-trolado ang rice. Unya gisuwayan usab nako ang gitawag nila og Flat Tummy Water. Basin kamo diha mga SweetKaButanding inyo kining gusto suwayan. Mao kini ang mga kinahanglanon:

6 cups filtered water

1tbsp grated ginger

1 cucumber, sliced

1lemon , sliced

1/3 cup mint leaves

Pagkahuman imo kining e-overnight ug imong imnon pagkasunod adlaw. Medyo ang mahal ang lemon kay mudagan sa mga P25-30 ang buok. Carry lang ang cucumber kay sa presyo nga P30-40 duha na ka buok. Mao nga kamo sad diha pag #BalikAlindogProgram na! 

Ug pangita gyud dayon mo og inspirasyon para mas ganado mo magpasingot. Sa pagkakarun, si Benjami Alves ang Kapuso hunk ang nagpabuhi sa akong dugo nga verde kay alangan noh? Di ka molagsik nga ig post nimo sa instagram nga gikan ka nahuman og pasingot mo reply man og “good job mama”!  Mother man iyang pagtan-aw nako, unya unsaon mana nga naa man koy HD (hidden desire ) niya? Nakahinumdum ko sa among Dumaguete shoot kung unsa na lang kini ka lawas oi! Haayyyy!!!! Hahahaha! 

Pero kining atong Kinsa Siya local edition niresulta nga galain gyud ang lawas sa atong Kinsa Siya Insider tungod sa usa ka event coordinator nga nag over price sa ilang usa ka menu. Plus kining event planner nag add on pa gyud sa ilang decoration? Which is waley na pay. Aduna’y lay gamay nga kantidad nga ilang gitawag nga refundable bond. Naa pay BisChika nga wala nauli sa client ang refundable bond sa usa nila ka event. PagkaHugyaw!

Dugang pa sa Kinsa Siya Insider nga pagkahuman sa event e-turn over ang dapat e-turn over apil na ang kontrobersiyal nga dada bond. Kinsa kining event planner ? Ang sure nako kay aktibo siya sa industriya ug ala artista ang iyang pangalan. Hihihihihi