Mabawi pa ba ang gidonar nga property

Dear Atty. Divine,

Duna koy pangutana labot sa property sa among ginikanan nga giingong ilang gidonar kaniadto sa barangay. Pagkakaron gitukuran na og building og day care center ang maong kuna. Apan ang mga papeles sa pagdonar wa gyud mi makakita niini attorney kun tinuod ba gyud nga nakapirma ang among mga ginikanan sa Deed of Donation sa wa pa sila nangamatay. Ang among pangutana mamahimo ba namong mabawi ang maong property? —   Letty

Dear Letty,

Mas maayo nga imo unang sutaon ang mga papers niining maong property kun si kinsa na kini nakapangan pagkakaron. Kay kun nadonar na kini sa imong mga ginikanan mamahimo sab ka nga mangayo sa kopya sa maong mga papeles sa barangay nga gidonaran niini pagsuta kun tinuod ba gyud. Kun pananglitan imong makompirmar nga nakapangan gihapon sa imong mga ginikanan ang property ug way papeles nga makapamatuod nga gidonar kini sa barangay then mamahimo kining bawion ninyong nga heirs or mamahimo sab nga inyong pabayron ang barangay sa kantidad sa yuta nga ilang gigamit ilabi na kay ila na kining gitukuran og building. Apan kun dunay papeles nga makapamatuod nga gidonar na ang maong property maglisud na kamo sa pagbawi niini gawas lang kun duna silay nahimong kalapasan sa mga kondisyon niini. Thanks and God bless.  Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana mata’g Miyerkules ug Domingo pinaagi sa akong column.