Panimalos ni Binay

“Watch me, fight the Goliaths.” Pamahayag ni Vice President Binay. So, huwat ta sa mosunod nga development niining matawag nga panimalos sa nag-una sa survey sa buot molingkod sa Malacañang, after Noynoy.

Hinoon, so far, pulos lang denial, mga panghimakak ang iyang nahimo sa pagkakaron. Ug dungagan sa iyang paglabay usab og lapok ngadto sa mga nagpasiugda sa imbestigasyon ug sa mga mitistigo batok kaniya.

Kun unsaon niya pagpakig-away ang iyang giingon nga mga higante, that remains to be seen. Huwat lang ta. Apan, maoy tuyo sa blue ribbon committee ug sa Department of Justice, nga motubag gyud siya sa mga gipasangil batok kaniya, ug dili kay igo lang manghimakak ug modaut sa mga nagpasiugda sa imbestigasyon.

Pananglitan, mahimo man nga daghan og mga sakyanan si Senador Trillanes, apan, wa ni bearing sa kaso batok ni Binay. Ug mahimo nga namolitika sila si Senador Pimentel, Cayetano ug Trillanes, apan, manubag gyud siya sa mga issue batok kaniya.

Sa iyang bahin, si Vicente Joyas, national president sa Integrated Bar of the Philippines (IBP) misaway sa gihimo sa Senate Blue Ribbon subcommittee pag-imbestigar ni Binay, nga matud niya, dili na in aid of legislation, kundili, in aid of election na.

Matud ni Joyas, dili nila mapugos si Binay pagpa-appear sa Senado tungod kay wala silay gahum pag-subpoena sa bise presidente, tungod kay ang Senado walay gitawag nga “prosecutory powers.”

In the meantime, abangan lang natin ang mosunod na kabanata. Sa mga boguy pa, let us to wait and see.

* * *

Sa tibuok nasud, na-issue na ang pagpamutol sa kahoy. Mga pangutana kun di ba mahimo nga mo-co-exist ang duha: ang mga kahoy ug kaugmaran. Sa tibuok nasud, daghan kaayong mga kahoy ang gipangtanom daplin sa mga highway.

Alang sa mga habin sa kaugmaran, kinahanglan mo-give in ang mga kahoy pagpalambo sa nasud. Kinahanglan palapdan ang mga dagkung dalan, ang mga highway. Otherwise,dili na lang nato palapdan ang atong kadalanan, kadalanan nga natukod kapin na sa 100 ka tuig ang milabay, panahon nga mga tartanilya ug mga balsa pa ang nagdagan sa kadalanan.

In the meantime, maningkamot unta ang gobiyerno pagmugna og mga dagkung park, nga tamnan sa mga kahoy ug ubang mga tanom, nga kasuroysuroyan sa mga tawo nga buot magpahayahay ug magpalabay sa panahon.

Mao ni ang wala nato dinhi sa Sugbo. Hangtud hinoon nga mamugos ang taga-Livable Cebu nga gusto silang magsuroy-suroy sa kadalanan, kaylagi, ang dalan wala kono tukora alang sa mga sakyanan lamang, kun dili, alang sa tanan. Busa, mag-road sharing.