Nahulog

Adunay mga higayon nga ikaw nahadlok ug gibati og tumang kalisang sa dihang nakita nimo ang imong kaugalingon nga nahulog gikan sa habog kaayo nga dapit. Kini nagpasabot nga ang imong waking life ang nipahinumdom kanimo sa imong dakong kahadlok sa kapakyasan labina kun ang imong gihatagan og pagtagad mao ang mga tawo nga kanimo nagpalibot kay buot nimong mopuyo sa ilang expectations. Dugang pa, timailhan usab kini nga ikaw mismo ang walay pagsalig sa imong kaugalingong katakus. Mahinungdanon kaayo nga diha sa kinabuhi maantigo kang mosalig ug ang una nimo o una natong saligan mao gyud ang atong kaugalingon.