Brgy Linao, Minglanilla, Cebu

“Maproblema gyud mi’g uli sa amoa sir Jun matag gabii gikan sa Cebu City kay ang mga jeep padung diri sa lungsod dili na man molahos anha ra man kutob sa Tabunok, luoy kaayo mi kay doble gasto sa plete.”

Brgy Laray, Consolacion, Cebu

“Puwerte gyud namong luoya Sir kun moagi dinhi sa among agianan kay lubakon ug grabe kaabog sa karsada usahay dili makita ang kasugat nga sakyanan kuyaw sa disgrasya ug sakit tungod sa kabaga sa abog.”

Brgy Punta Engaño, Lapu-Lapu City

“Sir Jun magpatabang unta mi nimo nga masumpo ning ilegal nga panagat diri sa among lugar labi na ning libaliba kay kami tawon nga nagtinarong sa panagat ang luoy wala nay makuhang mga isda kay gihurot aning mga illegal.”

Brgy Tunghaan, Minglanilla, Cebu

“Unsa may among buhaton sir Jun nga masumpo ning kanunay nga tigbakay sa among lugar nga among nga polis diri apil na ang hepe wala man gyud kadakop ani nga unya klaro man ning ilegal kay bisa’g way fiesta sige lang tigbakay.”

Brgy Umapad, Mandaue City

“Mangayo unta mi nimog tabang Sir sa pagpahibawo sa kapolisan o ba kaha PDEA ug NBI7 aning nagkadaghang drug pusher sa among lugar hasta druglord naa sad diri, gani naa say konsehal sa barangay nga miapil sad ani.”

Brgy Pusok, Lapu-Lapu City

“Mao ning dili masumpo ning ilegal drugs sa among lugar sir Jun kay ang mga polis nga na-assign diri sayo man sa tingal sa mga pusher diri maong wala gyud madakpi ning mga tawo nalambigit sa ilegal nga drugas.”

Brgy Looc, Mandaue City

“Kining among lugar Sir kay daghan na kaayong adik kay wala man gyud dakpa ning namaligyag shabu diri maong migara ni sila’g pamaligya bisag kinsa lang tawhana ang moari diri aron mopalit shabu uban batan-on pa kaayo.”

Brgy Candabong, Alcantara, Cebu

“Naay mga drug pusher diri sa among barangay pero naglibog mi kun asa misumbong kay wala na mi salig sa mga polis namo diri kay kadungog mi nga maghatagan ang mga drug dealer og tag dies mil pesos matag semana ngadto nila.”

Brgy Nailub, Dalaguete, Cebu

“Kining among lugar Sir apil na sa Jolomaynon kay gihimo na man ning punduhanan sa riding in tandem nga mga tawo ug hired killer wala man gyud aksyoni sa mga polis uy daghan na kaayo gipatay diri nga wala gyud masulbad.”

Brgy Mabolo, Cebu City

“Grabe na man ning namaligyag shabu sa among lugar Sir mas midaghan na man hinuon, naa na untay mga nadakpan pero imbes mogamay mas migara na man hinuon naa pay mga "look out" kay kun naay mga polis tago dayon.”

Brgy Dumlog, Talisay City

“Sakto kaha ning gihimo sa ubang mga opisyal namo sa barangay sir Jun nga maoy magpasiugda sa tigbakay bisag way fiesta? Gawas sa tigbakay gipasagdan sad nila ning ubang klase sa sugal, maayo unyag mahatagan nig pagtagad sa mga polis.”

Brgy Basak, Cebu City

“Ang problema namo diri sa sitio Living Water sa Tgunol Sir mao ang tubig nga way kagawsan magpundo ra man ang tubig kay way gihimong kanal nga kaagian, daghan kaayo mga hugawan unya ang mga tawo sad diri dili magkahiusa pagpanglimpyo.”

Alang sa inyong mga reklamo text lang sa 09071678643