Ex-convict mipatay sa bayot nasikop human sa gukdanay
Nadakpan sa tulo ka tanod ug jailguard ang usa ka ex-convict nga suspek sa pagpanunggab patay sa usa ka mahuyang niadtong Martes sa buntag diha sa Sitio Mahayahay, Calamba ning dakbayan.
Nahitabo una ang ginukdanay sa tulo ka mga tanod ug jailguard batok sa suspetasdo hangtod nga ila gyung na-corner diha sa Sitio Cogon, A. Lopez, Labangon pasado alas 7 sa miaging gabii.
Ang suspetsado nga nasikop giila sa kapolisan nga si Larry Tabasa, 30, giingong
Si Tabasa maoy gitumbok nga midunggab patay ni Marlon Martinez kinsa unang nabalita dinhi sa maong mantalaan nga nailhan lang sa ngalan nga Shawie.
Ang mga tanod sa Labangon nga nakasikop sa suspek mao sila si Roy Gonzaga, Reynaldo Nabaja, Carlo Recaldo ug JO1 Aratia Thadeus.
Matud pang PO3 Roger Nedamo sa Homicide Section nga nahinabi sa Banat News mitug-an nga si JO1 Aratia niadto sa barangay hall ug mitaho nga nakit-an si Tabasa sa witness nga si Jenson Caballes.
Si Caballes maoy nakakita atol sa hitabo nga gidunggab sa suspek ang biktima sa balay nga gipanag-iya sa suspek ug siya usab ang mikuyog atol sa pagkasikop.
Sa dihang nahitabo ang ginukdanay ug hangtod nga na-corner sa mga arresting officer matud ni PO3 Nedamo nga nahuboan sa purol ang suspek ug nakuhaan og “batangas” human milugnot ug mikisikisi kini.
Si Martinez maayong pagkaigo sa lusong-lusong sa pagdunggab ni Tabasa kaniya nga maoy nakaingon sa hinanaling kamatayon niini, gani nakadagan paingon sa gawas apan nahagba sa yuta ug namatay.
Si Martinez nag-abang og lawak sa balay sa suspek.
Ang suspek kasamtangan gitanggong sulod sa detention cell sa Cebu City Police Office ug kagahapon sa hapon giandam na sa Homicide Section ang affidavit sa witness aron pormal nang ikapasaka ang kaso sa piskaliya.
- Latest
- Trending
