Dili tanang dapit ang way signal
CEBU, Philippines — Adunay mga hotspots sa Dakbayan sa Sugbo nga pagngan og signal sa cell sites karong adlawa atol sa Sinulog Grand Parade.
Kagahapon atol sa solemn procession sa imahen ni Senyor Santo Niño, pipila ka mga lugar nga giagian sa karo ang nawagtangan og signal apan anam-anam ra gihapon kining mibalik pagkahuman niini.
"Hindi naman totally shutdown. Selective kung saan ‘yung mga hotspots that we concentrate more. We requested shutdown on selected areas during the procession and sa grand parade," ang director sa Police Regional Office-7 Chief Supt. Robert Quenery miingon.
Dugang gibutyag ni Quenery mao nga gisundog sa plano sa signal atol sa kapistahan sa itom nga Nazareno ang ipatuman sa maong tinuig nga kasaulogan.
Samtang ang officer -in-charge sa Cebu City Police Office nga si Senior Supt. Julian Entoma mipadayag nga adunay mga radyo nga giandam alang sa komunikasyon sa kapolisan sa mga dapit nga mapagngan og signal.
"We have sufficient handheld radios per task unit," si Entoma miingon. (BANAT NEWS)
- Latest
