May Sinulog sab sa Pagsabungan
CEBU, Philippines — Gipaabot nga ang mga contingents gikan sa mga barangay sa Dakbayan sa Sugbo, Mandaue ug Lapu-Lapu, Lungsod sa Cordova, Consolacion ug Liloan ang mosalmot sa Sinulog Festival sa Sitio Anakma sa Pagsabungan, Dakbayan sa Mandaue.
Kini ipahigayon sa Enero 26 sa hapon atol sa bisperas sa tinuig nga pangilin sa kapilya sa Sitio Anakma nga ang mga molupyo mga deboto sab ni Señor Sto. Niño.
Si Raul Ruiz nga maoy usa sa mga nagpasiugda sa indigay atol sa ilang tinuig nga pangilin niingon nga ang Sinulog nga ilang gipasiugdahan sulod na sa nakalabay nga katuigan ang bukas kini sa pag-apil sa mga contingents gikan sa nagkalainlaing lugar.
Matud niya nga ang matag contingent nga moapil kinahanglang dili moubos sa 25 ka sakop nga mosayaw.
Dugang pa niya nga makadawat og P25,000 ang unang mananaug, ang ikaduha makadawat og P15,000 ug P10,000 usab ang alang sa ikatulong ganti ug P4,000 ang madawat sa dili makadaug isip consolation prize. (BANAT NEWS)
- Latest
