Hepe sa PPDO miluwat sa katungdanan
CEBU, Philippines — Miluwat sa katungdanan epektibo niadtong Enero 15, 2018 ang hepe sa Provincial Planning and Development Office (PPDO) Architect Florentino Nimor.
Si Atty. Mark Tolentino, provincial administrator mibutyag nga tungod sa problema sa panglawas hinungdan nga miluwat sa iyang katungdanan si Nimor.
Gibutyag ni Tolentino nga sa milabay’ng tuig si Nimor nagsulod gawas kini sa tambalanan.
Ang officer-in- charge sa Provincial Environment and Natural Resources (PENRO) nga si Rodel Bontuyan mao na karon ang OIC sa PPDO kini human nga ni-resign si Nimor.
Gipasabot ni Tolentino nga si Bontuyan aduna usab kini kasinatian kabahin sa planning.
"Naa man siya’y (Bontuyan) expertise in planning base sa iyang previous engagement sa private sector”, ni Tolentino pa.
Si Bontuyan ang nihulip kaniadto kang Baltazar Tribunalo, Jr. nga OIC sa PENRO.
Karon ang hulip ni Bontuyan isip OIC sa PENRO mao si Jason Manzano kinsa maoy personnel sa operations sa PENRO. (BDB) (BANAT)
- Latest
