Banat ( Leaderboard Top ), pagematch: 1, sectionmatch: 1

CPADAO migahin og P2.5M sa anti-drug campaign sa PNP

CEBU, Philippines — Gihangop sa Cebu Provincial Anti-Drug Abuse Office (CPADAO) ang pagpabalik sa kapolisan pagtabang sa Philippine Drug Enforcement Agency (PDEA) sa kampanya batok sa ilegal nga drugas.

Si Ivy-Durano Meca pangulo sa CPADAO nagkanayon nga ang pagsumpo sa ilegal nga drugas dili lang mahimo sa usa ka ahensya apan kinahanglan og tabang gikan sa ubang law enforcement agencies, hilabina sa PDEA nga gamay ra ang mga personnel niini.

Isip pagsuporta sa Kapitolyo, ang CPADAO nigahin og P2.5 Milyones nga pundo alang sa operasyon sa kapolisan o PDEA sa tibuok probinsya sa Sugbo.

Si Meca nagkanayon nga ang maong assistance ihatag sa CPADAO base sa project proposal sa units sa Cebu Provincial Police Office ug sa mga police stations sa mga lungsod ug dakbayan sa lalawigan sa Sugbo.

Si Meca nagkanayon nga karon nga nibalik na ang PNP gipaabot usab nga mosaka na usab ang drug surrenderers sa probinsya sa Sugbo.

Apan sumala usab niya nga arang-arang na karon tungod kay aduna nay naestablisar nga drug rehabilitation programs ang mga local government units sa probinsya.

Sa pikas bahin, gipangandaman og maayo sa Cebu City Police Office ang posibleng daghan na usab nga ilang madakpan sa ilang senemanang Oplan Pokemon karong gibalik na sila sa kampanya batok droga.

Sigun pa sa Deputy City Director sa CCPO nga si Supt. Artemio Ricabo ibalik nila ang drug enforcement unit (DEU) ug nibalik na sila og surveillance sa mga gisuspetsahang tigpahuyot og ilegal nga drugas sa siyudad.

Apan sa personal nga pangindahay ni Ricabo mas gusto niyang gamay na lang ang madakpan sa ilegal nga drugas.

Ang Oplan Pokemon mao ang proyekto sa CCPO diin pahugtan ang pakigbatok sa tanang klase sa krimen ingon man sa ilegal nga drugas ug dayon ipresentar ang tanang dinakpan sa police stations diha sa ilang headquarters. (BANAT NEWS)

  • Follow Us: