Sunog sa Bulacao, upat ka balay naugdaw

CEBU, Philippines — P200 mil ang danyos sa sunog nga niulbo sa may Sitio Fatima, Barangay Bulacao, ning Dakbayan sa Sugbo alas -2 kagahapon sa hapon.

Ang sunog nagsugod sa panimalay ni Endrique Ocariza sa ikaduhang andana sa panimalay niini apan gisusi pa hinoon sa kabomberohan ang hinungdan niini.

Ang alarma nadawat sa kabomberohan alas dos dos sa hapon, nakontrolar alas 2:30 ug hingpit nga na fire out alas -3:20.

Matud pa ni BFP-7 Regional Director Snr. Supt. Samuel Tadeo, upat ka mga panimalay ang hingpit nga naugdaw ug duha ang partially  burned.

Walay natala nga naangol sa maong sunog, ug padayon pa nga gipaubos sa imbestigasyon ang maong sunog. Ipatawag pa sa kabomberohan ang tag-iya sa panimalay aron masayran kung unsay hinungdan sa pag-ulbo sa kalayo. (BANAT NEWS)