Wanted sikop

CEBU, Philippines — Nadakpan sa mga sakop sa Criminal Investigation and Detection Group-7 pinasikad sa warrant of arrest ang gikatahapang gun-for-hire sa Salvador, Tangke, Dakbayan sa Talisay niadtong Lunes sa hapon.

Ang dinakpan giila nga si Cresencio Borces Nadera, Jr., 24, alyas Jun-Jun, residente sa maong lugar, may kasong murder kuyog sa iyang duha ka igsuon nga sila si Leonardo, Julius ug usa ka Jason Nadera sa pagpatay sa ilang ig-agaw niadtong 2013 sa Sudlon, Dakbayan sa Sugbo.

Natanggong na sa Abuyog Penal Colony sa Leyte ang mga igsuon ni Cresencio kinsa nihimakak sa pasangil nga siya gun-for-hire sanglit siya nanginabuhi isip construction worker ug mananagat. (BANAT NEWS)