Banat ( Leaderboard Top ), pagematch: 1, sectionmatch: 1

BRT kinahanglang may kaugalingon lane

Gihangyo ni Cebu City Mayor Tomas Osmeña ang Department of Transportation nga i-review ang implementasyon sa dedicated lane sa tunga sa dalan gikan sa Ayala ngadto sa Talamban alang sa Bus Rapid Transit Project. Photo from Cebu City BRT Facebook page

CEBU, Philippines — Gihangyo ni Cebu City Mayor Tomas Osmeña ang Department of Transportation nga i-review ang implementasyon sa dedicated lane sa tunga sa dalan gikan sa Ayala ngadto sa Talamban alang sa Bus Rapid Transit Project.

Sa kasamtangang plano, ang mga buses sa BRT padaganon kuyog sa ubang pribadong sakyanan sa Banilad-Talamban nga area.

“This request is without prejudice to the continued full and fast implementation of the Bulacao-to-Ayala section of the Cebu BRT which is already designed along a median alignment and with fully-dedicated lanes, typical for a full BRT configuration,” matud sa mayor.

Ang iyang suwat gipadala ngadto kang DOTr Secretary Arturo Tugade.  Matud ni Osmeña nga mas maayong ma-review kini sa DOTr nga pabutangan gyud og lahi nga lane sa tunga sa dalan ang BRT.

Dili gusto si Osmeña nga masagol ang BRT buses sa mga pribadong sakyanan tungod dili ni mao ang desenyo sa maong sistema ug mawalay bili ang katuyoan alang sa mas paspas nga dagan sa mga bus itandi sa ubang mga sakyanan.

“We believe it is to the best interest of the Cebu City and its constituents to have a full BRT design, median stations with fully segregated/dedicated lanes all over the City of Cebu, even beyond the scope of this project,” dugang niya.

Ang first phase sa BRT modagan gikan sa N. Bacalso Avenue, South Road Properties, Osmeña Boulevard, N. Escario Street ngadto sa Governor Cuenco Avenue.

Sa Governor Cuenco Avenue ra way dedicated lane sa pagkakaron apan gusto ni Osmeña nga adunay dedicated lane para sa rota sa BRT para paspas ang pagdagan sa maong mga sakyanan.

Matud ni BRT Project Implementation Unit Head lawyer Rafael Christopher Yap nga nahatag na niya ang kopya sa suwat ni Osmeña ngadto sa opisina sa DOTr. Wala pa siyay nadawat nga tubag niini . (BANAT NEWS)

  • Follow Us: