Mandaue City Jail ibalhin
CEBU, Philippines — Gikatakda na nga ibalhin ang Mandaue City Jail sa usa ka ektaryang luna sa Dunggoan, Basak, Dakbayan sa Mandaue gikan sa kasamtangang nahimutangan sa Barangay Looc.
Kini sukwahi sa nahaunang taho nga ang luna nga giokupar sa Land Transportation Office sa higayon nga mabakante ang gamiton sa pagpalapad sa prisohan.
Mismo ang konseho sa Dakbayan sa Mandaue niadtong Enero nipasar og resolusyon sa pagpagamit sa maong luna nga iya sa siyudad ngadto sa Bureau of Jail Management and Penology nga kasikbit ra sa LTO. Gibutyag sa jail warden, Supt. Renante Rubio, nga ang Bureau of Jail Management and Penology aduna nay pundo nga P42 milyones sa katukuran sa bag-ong prisohan nga gikatakda nga sugdan karong Disyembre. (BANAT NEWS)
- Latest