Banat ( Leaderboard Top ), pagematch: 1, sectionmatch: 1

Abang sa trak sa basura mahal ra

Kahinumduman ang City government nangabang og 11 ka dump trucks ug 10 ka compactor trucks sa Pasajero Motors Corporation nga maoy mokolekta sa basura sa mga barangay ug ilabay sa transfer station. Philstar.com/File

CEBU, Philippines — Gikwestiyon sa mga konsehal sa Barug Team Rama ang truck rental fee sa siyudad sa Sugbo nga P700 matag oras nga ilang gihulagway nga mahal ra.

Kahinumduman ang City government nangabang og 11 ka dump trucks ug 10 ka compactor trucks sa Pasajero Motors Corporation nga maoy mokolekta sa basura sa mga barangay ug ilabay sa transfer station.

Nagkanayon si Konsehal Edu Rama ang pangulo sa Gubat sa Basura sa administrasyon kaniadto ni kanhi mayor Michael Rama nga dunay posibilidad nga ang siyudad mobayad sa kontraktor sa oras bisan og mga trucks wala magdagan.

“Based on experience, dili ka kahibawo sa productivity sa driver, matulog ba, or ma-flattan ba. While gapatak ang oras alkanse ka. Unsaon nato pagkahibawo, may og naay gatan-aw nila nga mata nga 24 hours. If mamahuway sila og usa ka oras, gibayran nato sila ana. Mao nay issues diha kay wala may mosunod nila padulong Consolacion,” sigon ni Rama.

Matud ni Rama inay mobayad matag oras mas maayo nga kada tonelada sa basurang makolekta sa trak padulong sa transfer station o ba kaha kada biyahe ang kwentada.

Ang kanhi Chairman sa Committee on Environment Konsehal Joel Garganera miingon usab imposible matud pa sa usa ka driver nga magpadagan og truck sulod sa 12 oras.

Giingong ang P55 Milyones nga rental contract nga gitagana gikan sa buwan sa Oktubre hangtud na sa Disyembre matud pa ang siyudad makapalit na og dili momenus 15 ka brand new equipment nga maka-augment sa existing garbage trucks sa siyudad.

Sigon pa sa mga konsehal nga gisuwayan nila og padangat ang ilang concerns bahin sa pag-abang og trucks  apan minority man sila sa konseho. Nagkanayon usab si Rama nga ang Executive Department mitagana og pundo sa pag-abang apan giingong dunay delay sa pagpagawas sa honorarium sa mga garbage loaders sa mga barangay nga matud pa dul-an sa siyam ka buwan na wala makadawat og allowance.

Subay niini, gitubag ni Mayor Tomas Osmeña ang tanang mga pangutana sa Barug Team Rama councilors diin matod niya ang city government dili mobayad sa service provider kun ang ekipo niini dili magdagan.

Ang mayor midugang, si Konsehal Eugenio Gabuya Jr. ug ang Department of Public Services (DPS) maoy gitahasan niini sa pag-monitor sa operasyon sa Pamocor.

Nakalatid sa terms of reference nga ang service provider makig-alayon sa DPS sa operation time schedule gikan sa origin niini padulong sa destinasyon. (BANAT NEWS)

  • Follow Us: