Pagka-opaw sa bukid ug basura hinungdan sa baha

CEBU, Philippines — Ang Department of Public Works and Highways (DPWH)-7 mitumbok sa mga rason kun nganong padayon nga masinati ang baha diha sa kadalanan sa Metro Cebu.

Si Engineer Leslie Anthony Molina, district engineer sa Cebu Second Engineering District sa DPWH-7 mibutyag nga lakip sa mga rason nga diyotay na ang mga kahoy diha sa kabukiran diin ang mga kahoy mao unta ang makatabang og suyop sa tubig panahon sa uwan.

Ang mga sapa diha sa mga ubos nga lugar sa urban cities kun asa moagi ang bul-og sa tubig migamay na kini.

Si Engineer Roy del Cruz, project engineer sa DPWH-7 miawhag sa publiko sa paglimpiyo sa mga kanal diha sa ilang lugar ug dili na kini labayan og basura aron dili mabarado. (Gikan sa The Freeman/BDB)