Pagtuon sa angay buhaton sa mga sinkholes gihimo
Kini maoy naumol sa gihimong meeting sa Mines and Geosciences Bureau (MGB), Cebu City Disaster Risk Reduction Management Office (CCDRRMO), Konsehal Margarita Osmeña ug Konsehal Dave Tumulak. Philstar.com/File
CEBU, Philippines — Nag-andam ang kagamhanan sa siyudad sa Sugbo og Risk Allocation Matrix aron mahibaw-an kun unsay buhaton sa siyudad pagtubag niining 770 sinkholes nga nakit-an sa dakbayan.
Kini maoy naumol sa gihimong meeting sa Mines and Geosciences Bureau (MGB), Cebu City Disaster Risk Reduction Management Office (CCDRRMO), Konsehal Margarita Osmeña ug Konsehal Dave Tumulak.
Gipasabot ni Nagiel Bañacia, pangulo sa CCDRRMO ang ilang buhaton mao ang pag-andam sa Risk Allocation Matrix diin ang findings sa MGB ipatan-aw sa mga eksperto.
Hinoon ang review matutok sa unsay mahimo sa siyudad aron paglikay niining mga katalagman ug unsay buhaton nga dili maapektuhan ang development sa Cebu City.
“First thing to do again is to prepare the Risk Allocation Matrix, we are going to consult a lot of technical people on this so that ang barangays pud sa giingon ni konsehal ma-guide sad sila on what to do next, bag-o man gud ni sa atong findings,” sigon ni Bañacia.
Si Konsehal Dave Tumulak, Chairman sa Committee on Public Order and Safety miasoy adunay mga barangay nga gi-identify sa MGB nga dunay presensiya sa sinkhole ug giingong ang mga barangay walay gihimo labot niini hinungdan si Tumulak miawhag nga mohimo og disaster preparedness plan.
Hinoon si Konsehal Osmeña miingon dunay mga posibilidad nga maong wala makabuhat og pagpangandam ang mga barangay tungod kay wala man sab sila masayod kun unsay ilang buhaton.
Hinungdan nga nadesisyunan nila nga kun mahuman na ang Risk Allocation Matrix mobalik sila sa mga barangay ug makig-estorya aron gyud nga ilaha kining masabtan.
“Whatever the findings are because as technical as it sounds even risk assessment you know that it will be interpreted to the barangays in the language that is understood because we come from you don’t have any technical background it’s useless to give them study do you think they are going to read that, it’s so technical, it’s not easy to understand especially in the bukid,” matud pang Osmeña.
Gitataw ni Osmeña kinahanglan nila kini buhaton ‘step by step’ ug matag ang-ang dunay tawo nga responsable.
Ang focus sa pagtuon nga buhaton mao ang mga public buildings sama sa mga eskwelahan, gymnasium ug kining mga tambalanan sanglit mao kini ang mga lugar nga kun dunay mga katalagman diha ipahiluna ang mga tawo. (BANAT NEWS)
- Latest
