Tanod napalgan patay

CEBU, Philippines — Napalgan nga wala nay kinabuhi ang 36-anyos nga lalaki sa baybayon nga bahin sa Sitio Ipil-ipil, Dumlog, Dakbayan sa Toledo kagahapon sa buntag.

Giila ang namatay nga si Jerson Panuncialman Esconde, 36, minyo,  taga Barangay Sam-ang, bukirang bahin sa dakbayan.

Nasayran nga usa ka mananagat ug barangay tanod sa Dumlog ang nakakita sa biktima nga naghayang.

Dihang giduol wala na maglihok ang biktima ug gituohang hapit na kini nadugta ang lawas.

Ang kapolisan adunay nadawat nga report nga niadtong Septiyembre 17 adunay usa ka lalaki nga gituohang nadakin-as ug nahulog sa sapa sa Barangay Campo 8 ug posible nga ang napalgan mao ang biktima. (BANAT NEWS)