7Core mipalambo pa sa MCWD call center

CEBU, Philippines — Napalambo ang pamaagi sa Metro Cebu Water District (MCWD) sa paghatag og kasayoran ngadto sa ilang mga konsumidor pinaagi sa paggamit sa bag-ong teknolohiya.

Napahimutang sa 7Core Communications, Inc., usa ka Sugboanong ICT solutions provider, ang panelepono sa MCWD ginamit ang interactive voice response (IVR) nga moandar sa matag tawag sa trunkline niini nga 254-8434.

Matanyag sa maong pamaagi ang tukmang kasayoran ug dalhon ang mga tawag nga wa na kinahanglana ang panginlabot sa tawo sa usa ka programa nga naggamit og Google text-to-voice sa paghatag og kasayoran.

Lakip niini mao ang mga gikatakdang paghunong sa serbisyo sa tubig, bayranan, ug mga aplikasyon sa koneksyon, matud ni Rommel Cyril V. Yu, ang nagdumala sa MCWD information and communication technology division (ICTD).

“Nagpalibot ang mga tawag sa MCWD niining mga matang nga kasayoran. Matutokan na sa mga kawani sa call center ang mga tawag nga mas nanginahanglan og igong pagtagad,” dugang ni Yu.

Uban sa bag-ong teknolohiya, makapasalig na ang MCWD sa mga konsumidor og tukma ug tiunay nga pagtagad, sumala ni Cloyd Dedicatoria, managing director sa 7Core.

Gilusad sa MCWD ug gipaila ang bag-ong sistema pagkahuman og bansay-bansay kaniadtong Septiyembre 8 sa mga sakop sa 7Core ang mga kawani sa call center.

Misunod ang mga manager, ilang mga sekretarya ug mga piniling kawani sa misunod nga adlaw, mibutyag si Charmaine Rodriguez-Kara, tagduma sa MCWD alang sa community relations and external  affairs.

“Gilauman nato nga ang sistema mopalambo pa ug mas madali na ang pagpahibalo sa mga kasayoran sama sa billing updates ug scheduled interruptions. (BANAT NEWS)