Banat ( Leaderboard Top ), pagematch: 1, sectionmatch: 1

Protektor ni Largo ipatawag

CEBU, Philippines — Ipatawag sa hepe sa kapolisan sa Siyudad sa Talisay, Supt. Jason Villamater, ang upat niya ka sakop nga giingong protector ni Jessie Largo hinungdan nga hangtud karon wala pa madakpi.

Si Largo giingong adunay protector nga polis   base sa sumbong sa nagpailang kauban ni Largo nga apil sa ilang ilegal nga binuhatan ngadto sa kabanay sa gipatay nga si John Ronli Calizar, anak sa kanhi reporter nga si Ferliza Calizar-Contratista.

Ang nagpahibawo nihatag pa gyud sa mga pangan sa mga polis nga kakunsabo ni Largo hinungdan nga dili kini madakpan.

Matud ni Villamater nga iyang estoryahon ang upat niya ka sakop aron makahatag sa ilang habig samtang iya sab kining ipaabot ngadto sa Regional Intelligence Division (RID).

Sumala pa ni Villamater nga ang mga gipasanginlan pulos operatives kinsa daghan sila og mga gipangsikop hinungdan nga siya nagtuo nga posibleng gibaslan sila sa mga tawo nga ilang naligsan.

Dugang ni Villamater nga mas maayo kun aduna’y mga tawo nga mopakita og kaisog sa pagtug-an sa nahimutangan ni Largo apan iyang gipanghinaut nga unta direkta na lang kini kanila ug dili ipaagi sa social networking sites. (BANAT NEWS)

  • Follow Us: