Pusher, 2 users sikop sa buy-bust
CEBU, Philippines — Nasikop ang tulo ka tawo sa buy-bust operation sa Provincial Drug Enforcement Unit sa may P. Nellas St., Poblacion 3, Carcar City alas 11 pasado sa gabii niadtong Huwebes.
Ang nasikop mao sila si Henry Laugo, 41, pusher ug street level target; Filbert Sabalande, 32, ug Jhon Marvin Ortiz, 19, pulos mga users.
Matud ni Police Chief Inspector Rolan Aliser, OIC sa PDEU, nga nakig-alayon sila sa Carcar City Police Station alang sa ilang buy-bust operation nga niresulta sa pagkasikop sa tulo.
Nasakmit gikan sa mga dinakpan ang 18-gramos nga shabu nga mobalor og P218 mil.
Ang mga dinakpan ang kasamtangang gibalhug sa Carcar City Police Station samtang gipaabot ang pagsang-at og kaso. (BANAT NEWS)
- Latest