15 sikop sa buy-bust, checkpoint
CEBU, Philippines — Nasikop ang 15 ka naghupot og shabu atol sa buy-bust operation ug checkpoint sa kapolisan hinungdan sa pagsakmit sa mokabat sa P300,000 nga kantidad sa shabu.
Sa managlahing takna sa niaging Sabado sa gabii sa gipahigayon nga checkpoint sa kapolisan sa Presinto 2 sa Mandaue City Police Office, nadakpan ang mga motorista nga nagdala og shabu.
Ang checkpoint gipahiluna sa dalan M. Logarta, Subangdaku diin nadakpan sila si Roly Noval Jaime, 41, taga Cabancalan, Jubay, Liloan; Dominador Arededon Villacarlos, 32, taga Doña Rosario, Basak; Reden Armino, taga Upper Hermag, Basak, ug Juanito Guido, 39, taga Fatima, Basak, Dakbayan sa Mandaue.
Sa mao gihapon nga checkpoint nadakpan sila si Villard Bajar, 44, taga Tinaan, Dakbayan sa Naga; Jayson Martel, 22, taga Togonon, Dakbayan sa Danao; Roberto Marigas, 32, taga Cogon, Compostela ug Dexter Rosada, 33, taga Pacencia Compound, Tipolo, Dakbayan sa Mandaue.
Nadakpan sab sila si Dereen Lacio, 28, taga Pulpogan 1, Consolacion; Ronald Castillo, 29, taga Ibabao, Pulpogan; Isaac Bolangcos, 29, taga Sangi, Pajo, Dakbayan sa Lapu-Lapu; Bonie Monares, 39, taga Barlaps, Casuntingan, Dakbayan sa Mandaue; Alcar Ngujo, 23; Jonel Garcia, 35, taga Consolacion ug sila si Randy Baylosis nga nakuhaan og kalibre 22.
Si Mayume Tagalog Arnais, 33, taga Purok Molave, Tayud, Consolacion, ang nadakpan sab sa nagpatrolya nga kapolisan.
Ang dinakpan nakuhaan og mga pinaketeng shabu nga gilabay na unta dihang nakamatikod sa paghidangat sa kapolisan sa maong lugar. - /GMR) (BANAT NEWS)
- Latest
