Hapit na eleksyon apan wa pay BEIs
CEBU, Philippines – Sa ikaduhang higayon, gioktaba na usab sa Commission on Elections (COMELEC) ang pag-post sa official list of voters nga gikatakda unta niadtong Septiyembre ug gisibog karong Septiyembre 15. “Sa una gi-slow down nila ang preparation. Karon, I don’t know unsa na didto sa Senate. Definite na man ang sa House (of Representatives). Mao lagi na, we do not want to waste government funds. But, the COMELEC will always prepare,” pasalig pa ni Provincial Election Officer Lionel Castillano. Matud pa niya, wala pa say gihatag nga tamdanan gikan sa Comelec en banc kabahin sa Board of Election Tellers/Inspectors(BET/I) bisan pa man nga 57 ka adlaw na lang mag-eleksyon na sa barangay.
“Supposed to be, mag-constitute na ta sa Board of Election Tellers sugod karon hangtod petsa (August) 30. The problem is wala pa mi nakadawat sa guidelines or resolution sa pag-constitute sa BET/I,” pasabot pang Castillano. Ang BET/BEI langkoban sa mga public school teachers nga maoy motrabaho atol sa pagbotar sa mga tawo. “We must remember nga naa tay bag-ong Election Service Reform Act (ESRA). (Under it,) service of teachers is not mandatory but voluntary,” pasabot pa niya.
Giangkon usab niya ang ESRA wala pa usab na-finalized ang implementing rules and regulations kay hangtud karon draft pa lang gihapon kay wala pay gipagawas nga resolusyon ang Comelec en banc kabahin niini.
“Usually, mao na lang na atong gipaabot (COMELEC en banc resolution). Mangayo’g list sa DepEd for those who are willing to serve. Mao man toy basis nato sa pag-constitute sa BET. Kung magkulang, mao na ng magkuha tag lain nga gi-specify sa balaod like national employees, government employees in national service, teachers from private schools , citizens of non-probity,” dugang pa ni Castillano. Gibutyag usab niya nga kon kuwangon gani ang BETs/BEIs mahimo ra gihapon mokuha og dili magtutudlo basta kwalipikado base sa pinirmahang ESRA nga gipirmahan kaniadto ni kanhi presidente Benigno “Noynoy” Aquino niadtong tuig 2016. – /EIM (BANAT NEWS)
- Latest
