Linog duha nakalas
CEBU, Philippines - Duha ang nakalas ug usa ang nakaanak og ahat human niigo kagahapon ang 5.1 magnitude nga linog sa Albuera, Leyte alas 6:26 sa buntag.Ang gikataho nga intensities sa maong linog intensity V-Ormoc City ug Albuera, Intensity IV- Pastrana, Leyte; Intensity III- Tacloban City ug Palo, Leyte.
Nabatyagan usab kini sa Cebu City sa gikusgon nga intensity 1 sumala sa Philippine Institute of Volcanology and Seismology, Earthquake Information No.3.
Ang mga nakalas mao sila si Rosita Baloro, 70, taga Barangay San Jose ug Maria Colasito, 51, taga Barangay Naungan. Samtang usa ka 24-anyos nga ginang ang nakaanak og ahat human sa maong linog.
Atol sa inisyal nga panagtigom sa Disaster Risk Reduction and Management Council, si Colasito nadakin-as atol sa pag-uyog sa ilang balay hinungdan dali kining gidala sa Ormoc District Hospital apan gideklarar kining dead on arrival.
Matud pa ni Jhay Gaspar, sa City Youth Development Office sa Ormoc City, kinsa usa sa mga nitambong sa tigum sa CDRRMC padayon pang gisusi kung unsa kalapad ang kadaot nga namugna sa maong linog. Adunay mga estraktura nga naapektahan apan ginagmay ra. - /EIM) (BANAT NEWS)
- Latest