Dili mahitabo sa Sugbo
CEBU, Philippines - Nipasalig ang direktor sa Cebu City Police Office nga si Senior Supt. Joel Doria nga dili mahitabo sa Sugbo ang nahitabo sa Caloocan City diin usa ka 17-anyos nga lalaki ang gipusil patay sa mga polis atol sa buy-bust operation. “Yung respect for human rights is the utmost priority. Hindi mangyayari sa atin yun,” matud ni Doria.
Giingong nisukol sa kapolisan gamit sa iyang kalibre .45 ang batan-on hinungdan nga gipusil kini sa ulo apan matud pa nga sukwahi kini sa testimonya sa mga nakakita ug sa nakuha sa CCTV camera.
Sigun pa ni Doria nga duna sab silay nadakpan nga mga bata kaniadto nga armado apan ila kining gitugyan sa Department of Social Welfare and Development tungod kay gidili sa balaud ang pagtanggong og bata sulod sa prisohan ug samot na ang pagpatay niini. - /GMR) (BANAT NEWS)
- Latest
