Kong. Gullas nanginlabot sa problema sa baha
CEBU, Philippines - Gipatawag ni Kongresista Gerald Anthony Gullas sa unang distrito ang mga kapitan sa Barangay Poblacion, Cansojong ug Tangke nga maoy giila nga problema gyud sa grabeng baha.
Giingong sa maong mga barangay dunay mga molupyo nga nisira sa agianan sa tubig padulong sa dagat gumikan sab sa kahugaw niini.
Matud ni Gullas nga iyang gipatawag ang mga opisyal sa tulo ka barangay aron ilang isumbong sa Department of Public Works and Highways (DPWH) ang ilang suliran.
Asoy pa niya nga kun budget ang hisgutan aron mabutangan og saktong kanal ang lugar, naa siyay magamit pinaagi sa DPWH.
Ibase ang kanal nga himuon sa drainage master plan ug kun maayo ang resulta, ang budget na lang ang pangitaon alang sa implementasyon sa plano.
Apan kun problema sa boundary sa creek, nagkinahanglan si Gullas sa siyudad nga motabang kabahin niini.
Si Gullas nitataw nga kasagarang problema mao ang kapuno sa lapok sa mga creek nga mahimo ra gyud maaksiyonan sa taga DPWH.
Siya nagkanayon nga ang DPWH angay makig-alayon ni City Engineer Gamaliel Vincente Jr. (BANAT NEWS)
- Latest