Work stoppage order gimando sa DOLE
Desist Order og stop work order batok sa kontraktor sa gitukod nga building diha sa may dalan Leon Kilat, Cebu City human usa ka pintor ang nakalas kay natagak gikan sa 15th floor niini. Philstar.com/File
CEBU, Philippines - Mipagawas ang Department of Labor and Employment and Cease and Desist Order og stop work order batok sa kontraktor sa gitukod nga building diha sa may dalan Leon Kilat, Cebu City human usa ka pintor ang nakalas kay natagak gikan sa 15th floor niini.
Ang nakalas mao si Revfiel Soco, 21, taga Consolacion kinsa natagak niadtong Lunes sa hapon. Matud pa ni Luchel Taniza, Labor Information Officer sa DOLE-7 nga nahinabi sa Banat News, nahatod ang cease and desist order sa tanang water proofing works sa maong building alang sa mandatory conference.
Gitug-an ni Taniza, libkason ra ang CDO sa maong water proofing works kon dili nila makompleto ang nasabotan. Ang hepe sa Office of the Building Officials sa Cebu City Engr. Josefa Ylanan miingon nga base sa report sa mga inspectors miadto didto si Soco bisan og wala kini labot sa grupo nga mohimo sa water proofing. (BANAT NEWS)
- Latest
