P1.5M danyos sa sunog

CEBU, Philippines - Nikabat sa P1.5 milyones ang gibana-banang danyos sa sunog nga nahitabo sa Sitio Maharlika, Subangdaku, Dakbayan sa Mandaue nga niugdaw sa 150 ka panimalay sa niaging adlaw.

Giatiman na sa buhatan sa City Social Welfare and Development ug sa barangay ang panginahanglan sa mga biktima.

Si Senior Fire Officer 3 Arnold Lao nga maoy chief field investigator sa Bureau of Fire Protection (BFP) sa Dakbayan sa Mandaue niingon nga dili pa gyud nila matataw ang hinungdan sa kalit nga sunog. (BANAT NEWS)