Renewable energy ipagamit na gyud
CEBU, Philippines - Nipahigayon ang Department of Energy (DOE) National Renewable Energy Board og public consultation kabahin sa Renewable Portfolio Standards nga gitambungan sa mga power industry players.
Si DOE-Visayas Director Antonio Labios nagkanayon nga ang power industry players gimanduan ubos sa maong RPS nga mogamit gyud og renewable energy isip kabahin sa ilang power supply.
Kini aron makatampo sa paglambo sa renewable energy industry aron makatabang sa paglambo sab sa ekonomiya ug pagprotehir sa kalikupan.
Ang renewable energy naglangkub sa biomass, waste-to-energy technology, wind energy, solar energy, run-of-river hydroelectric power systems, impounding hydroelectric power systems, ocean energy, hybrid systems, geothermal energy ug uban pa. Tuyo sa maong public consultation mao ang pagsuta kung unsa ka dako nga renewable energy ang gamiton sa mga stakeholders sa ilang power supply. (BANAT NEWS)
- Latest
