Carillo: Dakong buhi si Mayor Boniel
DAKONG BUHI? ... Si BM Niño Rey Boniel gi-eskortan sa mga polis pagawas sa Police Station 2 sa Cebu City Police Office aron dad-on sa Bohol. Kristine Joyce Campaña
CEBU, Philippines – Gibutyag sa abogado ni Bohol Board Member Niño Rey Boniel nga aduna silay igong ebidensya nga dakong buhi ang mayor sa Bien Unido nga si Gisela Boniel.
Nasayran sa Banat News, nangandam ang kampo ni board member Boniel, nga gipangulohan ni Atty. Gerardo Carillo ug laing onse ka abogado ang ilang depensa. Si BM Boniel gipasanginlan ug gikasohan og parricide tungod sa pagpatay sa iyang asawang mayor.
Nagdumili hinuon si Carillo pagtug-an kung unsa nga mga ebidensya ang ilang gikuptan.
“We will present that on trial. It is sub judice if we will discuss it, and we believe, when the trial day comes, we will present necessary evidence,” sigon pa ni Carillo.
Matud pa ni Carillo dapat unta nga ang kampo sa prosecution ang mouna og butyag og ebidensya aron pagmatuod nga sad-an ang akusado nga si Board Member Boniel.
Ang tigpamaba sa Police Regional Office-7 (PRO-7) nga si Police Senior Inspector Reslyn Abella nga nahinabi sa Banat News miingon nga dapat pamatud-an kini sa mga abogado sa akusado.
Si Carillo miingon nga dili igong ebidensya ang testimonya ni Reolito “Etad” Boniel, ang giingun nag-operate sa pumpboat nga gikargahan sa mayor pagtambog kaniya sa dagat.
Iya usab gihulagway nga ang wala pagkakaplag sa lawas sa mayor bisan sa 14 ka adlaw nga search and retrieval operation nagpasabot nga dili gyud tinuod ang pangangkon ni Etad.
“Bien Unido to Punta Egaño, that will be around five hours, that will extend credibility sa defense. Niingun sila ang krimen nahitabo, alas dos alas tres, how can the BM arrived at on 5am at Punta Engaño? So he could be nowhere in the crime scene,” dugang pa ni Carillo.
Mipasidaan pud ang pangulo sa mga abogado sa pulis, sa pagpalig-on sa depensa sa kampo sa suspetsado.
“Galingan na lang niya ang depensa niya sa korte where the battle is, his statements out of court have no bearing in his defense in court. Anyway he (suspetsado) has a battery of lawyers to defend him. He will be given a day in court where he can prove all his defenses,” sigon pa ni Atty. Lane Pangilinan sa text. -/EIM (BANAT NEWS)
- Latest
