Gikan sa prisohan gipusil
CEBU, Philippines - Patay ang bag-o lang nakagawas sa Lapu-Lapu City Jail dihang kalit lang kining gipusil sa armadong mga lalaki nga nagsakay og motorsiklo sa Crossing Soong 1, Barangay Mactan sa maong siyudad alas 2 pasado sa niaging hapon.
Si Police Officer 2 Sherwin Senadjan sa Presinto 2 sa Lapu-Lapu City Police Office (LLCPO) niila sa gipatay nga si Jay-R Esmero Deloyas, 24, ulitawo nga taga Barangay Canjulao.
Matud ni Senadjan nga base sa asoy sa usa ka Marcelino Baringues Capasin, 49, taga Soong Center ug drayber sa traysikad, nga kalit lang nitumaw ang duha ka wala hiilhing lalaki nga nagsakay og motorsiklo.
Si Senadjan niingon nga ang namatay bag-o lang nakagawas human nakapiyansa sa korte apan wala pa nila matataw ang kasong giatubang niini.
Matud ni Senadjan nga igo lang nibalik ang biktima sa Lapu-Lapu City Jail tungod kay adunay gikuha. (BANAT NEWS)
- Latest
