Banat ( Leaderboard Top ), pagematch: 1, sectionmatch: 1

Motor nagsungag, 1 patay

CEBU, Philippines - Patay ang drayber sa motorsiklo ug grabe nga naangol ang duha ka backriders dihang gikasungag ang laing motorsiklo nga giluwanan usab sa duha ka tawo nga pulos sab naangol sa may Taytayan, Dakbayan sa Bogo alas 12 pasado sa niaging tungang gabii.

Ang namatay mao si Ramonito Reyes Mendoza, 37, taga Sitio Cabao, Poblacion, San Remigio, kinsa walay helmet atol sa insidente, samtang ang upat nga naangol ang dali sab nga gidala sa tambalanan.

Gipusil sa burgeran

Patay ang usa ka tawo samtang naglingkod sa burger machine sa dalan M.L. Quezon, Pajo, Dakbayan sa Lapu-Lapu human kini gipusil ala una sa niaging kadlawon.

Ang biktima mao si Ramil Batiller, hingkod, ulitawo, nagpuyo sa Barangay Babag sa maong siyudad, kinsa giingong nananghid sa teller sa maong burger machine nga mag-inom og beer. Apan igo lang natunga ang sulod sa botelya sa iyang giinom dihang kalit lang nihunong sa atubangan sa gilingkuran ang motorsiklo nga giluwanan sa duha ka wala hiilhing lalaki ug gipusil. (BANAT NEWS)

  • Follow Us: