Gagabii sa Kabilin malampuson
CEBU, Philippines - Nagmalampuson ang ika-11 nga Gabii sa Kabilin o “Night of Heritage 2017” nga gipasiugdahan sa Ramon Aboitiz Foundation Inc. kagahapon nga gisugdan didto sa Cebu Provincial Capitol matag kataposang semana sa Mayo.
Gipanguluhan nilang Cebu Provincial Tourism Officer, Joselito R. Cortas, Christian Bondua, organizer sa GSK ang maong kalihokan nga gibantayan usab sa mga Tourist Police.
Ang panon nisuroy sa 27 ka mga museums ug heritage sites gikan sa Dakbayan sa Talisay, Mandaue, Lapu-Lapu ug sa Sugbo kauban ang duha ka featured sites diin didto gipakita ang mga kultura ngadto sa liboan ka mga turista.
“This night is a time for us, a night for us to inspire each day. A night to know ourselves as Cebuanos, the rest of the Filipinos to know the Cebuanos and the rest of the world to know the Cebuanos,” matud ni Bondua sa iyang welcome message atol sa opening ceremony.
Usa ang Fo Guang Shan Chu Un Temple sa V. Rama , Cebu City nga giadto sa mga turista diin makita didto ang rebulto ni Amitaba Buddha ug aduna say mga pasundayag alang sa mga nibisita.
Pipila sab ka mga karsada sa downtown Cebu City ang gisirad-an atol sa kalihokan sugod alas-5 sa hapon hangtod alas 12 sa tungang gabii.
Upat ka mga bus ang gigamit sa pagkuha ug hatod sa mga turista aron makaabot sa lain-laing museums apan usa ka turista ang mireklamo.
“The bus should complete the whole museums, it’s the transportation that I am disappointed but I really like what I see. The history, arts, painting are very good especially the Cebu Public Library,” sigon ni Peter Mertin nga taga Australia.
Pipila sa mga nitambong ang malipayon ug mapasalamaton sa kalihokan sama ni Bryl Jan Yucaran nga dugay nang nisalmot aning kalihokan.
“We felt the need to do the advocacy that’s why we are doing this because for the past year, there are only few young people doing the advocacy. We might forget that we have a very rich culture and heritage,” esplikar ni Bryl sa mga kabatan-onan .
Dako nga garbo alang sa mga Cebuano ang pagsalmaot sa Gabii sa Kabilin kay ang Sugbo ra ang nagbuhat ani sa tibuok nasod. - Evitha T. Canque CNU Interns/EIM) (BANAT NEWS)
- Latest
