Task group gihulma

CEBU, Philippines - Gihulma ni Police Regional Office-7 Director Noli Taliño ang special investigation task group labot sa napalgan nga nadugta na nga patay’ng lawas sa usa ka tour guide nga Korean sulod sa panimalay nga temporaryong gipuy-an sa Barangay Mactan, Dakbayan sa Lapu-Lapu.

Ang grupo gilangkuban sa Scene of the Crime Operatives (SOCO) ug Criminal Investigation and Detection Group (CIDG) nga pangulohan sa Lapu-Lapu City Police Office (LCPO).

Matud ni Taliño nga nakigkita kaniya ang mga konsulado  sa Korea human nadiskrubrehan ang nadugtang lawas ni Soon Yong Hwang, 48, kinsa ulahing nakit-an nga buhi niadtong Mayo 14. (BANAT NEWS)