Bodegiro gipusil, angol
CEBU, Philippines - Samdan ang usa ka warehouseman human gipusil sa drayber sa habal-habal sa Guimbuwangan, San Roque, Dakbayan sa Talisay niadtong Biyernes sa gabii.
Ang biktima mao si Regner Vilando, 25-anyos, nagpuyo sa nahisgutang lugar apan lumad nga taga Guihulngan, Negros Occidental ug ang suspek giila nga si Cleisthenes Lilanga, 51, ulitawo.
Base sa report nga kuyog sa iyang igsuon ang biktima sakay sa motorsiklo gikan sa ilang amigo.
Apan pag-abot sa nahisgutang lugar, kalit nga nibabag sa ilang agianan ang suspek dayon pusil.
Igo sa tuo nga bahin sa iyang lawas ang biktima kinsa gidala sa Talisay City Hospital samtang ang suspek ang nisibat palayo.
Gituohan sa kapolisan nga adunay panagbangi daan ang biktima ug ang suspek. (BANAT NEWS)
- Latest