Na-overdose sa caffeine sa kape
CEBU, Philippines - Gibutyag ni Cebu City Councilor Dave Tumulak, Chairman sa Committee on Peace and Order nga duna nay mga tinun-an sa Concord Technological Institute nga gidala sa Cebu City Medical Center ang nakagawas na sa tambalanan.
Matud ni Tumulak, base na sa findings sa doktor nga miatiman kanila ‘overdose caffeine intoxication’ ang nahitabo sa mga pasyente sanglit ang mga tinun-an nga nagpangedaron og 12 anyos ngadto na sa 14 anyos dili gyud unta angay paimnon og kape nga taas og caffeine level. Mao kadto ang rason nga nakasinati sila og abdominal ug chest pain, palpitation sa kasingkasing ug pagsuka-suka.
Sigon ni Nagiel Banacia, pangulo sa Cebu City Risk Reduction Management Office (CCDRRMO) nga ang mga representante sa Kopiko 78 mipasabot nga ang ilang kape dili gyud angay sa mga nag-edad og 18 anyos paubos ug kun imnon kini kinahanglan dunay sulod ang tiyan.
Nagpadala na og sample sa kape si Banacia sa Department of Science and Technology(DOST) ug ilaha kining i-link sa findings sa CCMC.
Sa pakighinabi sa Banat News sa tigpamaba sa Kopiko 78 nga si Patricia Malay mipasalig sila nga mokooperar sa gihimo sa Cebu City Government lakip na sa DOH ug DOST. Ang importante kanila karon mao nga maatiman ang mga tinun-an ug prayoridad nila ang ilang kunsumidor.
“We really have guidelines, may steps talaga tayo in order to encourage na ‘yung advised ages lang ang makakuha nung products.
Those who are 18 years old and above, tutulong tayo in any capacity (panginahanglan sa mga bata),” sigon ni Malay.
Si Cebu City Mayor Tomas Osmeña kinsa bag-o lang nakabalik dinhi sa Sugbo miingon angay kining susihon ni Konsehal Mary Ann Delos Santos nga maoy Deputy Mayor for Health Services ug ang Cebu City Health Office kun unsay lakang sa siyudad. (BANAT NEWS)
- Latest
