Sangguniang Kabataan registration way lugway
CEBU, Philippines - Kutob na lang karong adlawa ang pagpangrehistro sa mga mobotar sa eleksiyon sa Barangay ug Sangguniang Kabataan karong Oktubre 31 human gipahibawo sa Commission on Elections nga dili na sila mohatag og lugway.
Matud ni Comelec -7 Director Rafael Olano nga walay direktiba gikan sa central office sa paglugway sa registration maong ila nang tapuson karong adlawa.
“Yung original directive namin is up to July 30 lang yung registration, so we will follow that directive,” matud ni Olano.
Gibutyag usab ni Olano nga ang Comelec nangandam na sa umaabot eleksiyon.
“After this registration, we will have the convening of the election registration board (ERB) which will evaluate the applications made during the registration. The ERB will also be the one to approve or disapprove the applications,” matud ni Olano.
Ang mga election officers mag-post sa opisyal nga listahan sa mga botante sa wala pa ang eleksyon.
Ang Comelec usab nagpahigayon og bidding alang sa pag-imprinta sa mga balota nga gamiton sa eleksyon.
Gipahigayon usab nila ang pag-imbentaryo sa mga ballot boxes ingon man ang pag-imprinta sa ubang paraphernalia nga gamiton sa eleksyon. (BANAT NEWS)
- Latest
