Pulong-pulong sa plastic ban
CEBU, Philippines - Mipasiugda og pulong-pulong ang kagamhanan sa Dakbayan sa Mandaue ngadto sa kabarangayan subay sa hingpit na nga pagpatuman sa ordinansa nga nagdili sa paggamit og plastics sugod karong Agosto 1.
Ang maong pulong-pulong unang gihimo sa mga sakup sa Mandaue City Environment and Natural Resources (MCENRO) ngadto sa mga manindahay sa merkado publiko sa Barangay Centro.
Tumong sa maong pulong-pulong mao ang pagpasabot sa mga manindahay ug pumapalit kun nganong gidili na sa paggamit og plastic bag ug uban pa nga dili madunot nga matang sa basura.
Namugna ang plastic ban ordinance gumikan sa mga nasinati nga pagbaha sa maong siyudad panahon nga kusog ang ulan diin mobara kini sa mga agi-anan sa tubig kun wala matarong og labay.
Si Mayor Luigi Quisumbing, nakahukom sa pagpatuman niini isip sulbad sa problema sa baha sa siyudad. (BANAT NEWS)
- Latest