Meat task force sa Talisay gipanghulga

CEBU, Philippines - Gipanghulga na ang mga sakop sa Meat Task Force sa Dakbayan sa Talisay human sa ilang sunod-sunod nga pagpangsakmit og mga gipalusot nga karne ug gibaligya sa kamerkaduhan.

Tungod niini, si Dr. Santiago Hortel, city veterinarian, nisumbong sa maong panghitabo kang Konsehal Manuel Cabriana nga mao sab ang chairman sa committee on market and slaughterhouse.

Matud ni Hortel nga nakadawat gyud sila og verbal nga hulga o pinaagi sa ipakita nga lihok sama sa pagbaid og kutsilyo ug hait kaayo ang tinan-awan kanila.

Sa ulahi nilang operasyon, ang task force nakasakmit og 65 ka kilo nga hot meat sa Tabunok Public Market nga gipanag-iya ni Helen Abella.

Si Cabriana niduso og resolusyon kagahapon ug nihangyo sa kapolisan nga mohatag og assistance sa task force matag pahigayon sa ilang operasyon.

Lakip sa iyang resolusyon nga ipaimbestigar sa kapolisan kun kinsa kadtong mga tawo nga nihulga sa operatiba sa pagpanakmit sa hot meat. (BANAT NEWS)