Ekipo sa PDRRMO gi-upgrade

CEBU, Philippines - Padayong gipalambo sa Provincial Disaster Risk Reduction and Management Office ang ilang mga ekipo sa pagtubag sa emerhensiya kung dunay mahitabong katalagman.

Si Engr. Rhafael Luche nibutyag nga padayon ang upgrading sa mga ekipo samtang dunay uban nga palitonon.

Sulod niining buwana gikatakda usab ang training sa mga responders gikan sa matag buhatan sa Kapitolyo.

Ang responders ang kanunay sab nga naa sa gawas tungod sa training sa kalungsuran kabahin sa search and rescue (SAR).

Matud ni Luche nga lakip sa ilang ipaubos sa training ang mga department heads kabahin sa incident command system. Ugaling adunay mahitabong katalagman ang mga department heads maoy mo-asumer isip mga commander ug ang gobernador maoy responsible officer.  (BANAT NEWS)