Uyon sa usbaw sa allowances
CEBU, Philippines - Nipadayag sa iyang pag-uyon si Talisay City Mayor Eduardo Gullas sa pagpataas sa allowances sa mga pulis, magtutudlo, piskal ug huwes.
Kini human ang konseho nipasar og resolusyon paghangyo kaniya sa pagtan-aw sa monthly allowances sa ubang departamento nga nagserbisyo sa mga Talisaynon.
Asoy ni Gullas nga kinahanglan ang pag-usbaw tungod usab sa kadaghan nang trabaho nga ilang giatiman.
“There is no question that our family, as we grow bigger, needs a bigger income. As your children grow up, so does your needs,” nagkanayon si Gullas.
Sa pagkakaron ang kapulisan nagdawatan og tag usa ka libo ka pesos, P800 ang sa magtutudlo sa pampublikong tunghaan samtang P5 mil ang piskal ug huwes.
Bisan og uyon ang mayor sa maong proposal, iya unang tan-awon ang pundo kun makasarang ba sa usbaw sa binuwan nga allowances. (BANAT NEWS)
- Latest
